جی ڈی اے داحکومت نال اتحاد اصولاں دی بنیاد اُتے اے:فہمیدہ مرزا

اسلام آباد( پنجابی میڈیا گروپ)وفاقی وزیر برائے بین الصوبائی رابطہ ڈاکٹر فہمیدہ مرزا نے آکھیا اے کہ جی ڈی اے نے اصولاں دے مطابق اپنا فیصلہ کیتا،ساڈا حکومت نال اتحاد اصولاں اُتے ہویا اے، اگر اج سسٹم نوں ڈی ریل کیتا گیا تے آن والی کوئی حکومت اپنی مدت پوری نہیں کرسکے گی،لوٹا کریسی نوں نہ روکیا تے فیر ملک انارکی ول جائے گا، انارکی دا فائدہ پاکستان دے دشمناں نوں ہوئے گا۔اسلام آباد وچ امربالمروف جلسے نال خطاب کردیاں ہویاں فہمیدہ مرزا نے آکھیا کہ ایہ اوہناں دا کس قسم دا ضمیر اے جیہڑا اوہناں دی مرضی نال جاگدا اے،ضمیر تے بوہت بدنام ہوئے گا اسیں اپنے اصولاں دے نال کھڑے نیں، پاکستانیو!اصول اُتے کھڑے ہونا آسان نہیں مشکل رستہ اے،اسیں ایوان وچ حلف چک کے آندے ہاں، اگر اچانک توں ضمیر بھائی جاگ گئے تے پاکستان، جمہوریت دا مستقبل کیہ ہوئے گا ،اسیں پارلیمنٹ نوں مضبوط کرنا اے،ملک وچ لوٹا کریسی بند ہونی چاہیدی، بی بی، میاں صاحب دی حکومت لوٹا کریسی پاروں جاندیاں ویکھی۔