تریخی جلسے نے پیغام دے دتا کہ اسیں سبھ عمران دے نال کھڑے ہاں:مراد سعید

اسلام آباد(پنجابی میڈیاگروپ)وفاقی وزیر مراد سعید نے آکھیا اے کہ تریخی جلسے نے کرپٹ ٹولے تے بیرونی طاقتاں نوں پیغام دے دتا اسیں سارے عمران دے نال کھڑے ہاں۔ اسلام آباد وچ امربالمروف جلسے نال خطاب کردیاں ہویاں مراد سعید نے آکھیا کہ پاکستانیو سبھ توں پہلاں تہاڈا شکریہ ادا کردا ہاں،اسلاموفوبیا دے خلاف پوری دنیا وچ عمران خان نے آوازاُچی کیتی،امریکا نوں اڈے دین توں انکار،ابسولیٹلی ناٹ عمران خان نے کیتا،اندرونی وبیرونی سازشاں نوں کس نے بے نقاب کیا؟کرپٹ ٹولے نوں کس نے بے نقاب کیتا؟دنیا وچ آزاد خارجہ پالیسی دی گل کردے ہاں تے اوس دی قیمت ادا کرنا پیندی اے، کیا ایس جنگ وچ عمران خان دا ساتھ دیوگے؟ کیا ہر قدم عمران خان دے نال کھڑے رہو گے۔