عمرا ن خان ہار چُکیا:ٹائیگر فورس،گیدڑ فورس توں وی بدتر ثابت ہو ئے گی،رانا ثناء اللہ

اسلام آباد (پنجابی میڈیا گروپ) پاکستان مسلم لیگ(ن) پنجاب دے صدر رانا ثناء اللہ نے آکھیا اے کہ ٹائیگر فورس،گیدڑ فورس توں وی بدتر ثابت ہوئے گی،عمران خان ذہنی طور اُتے شکست قبول کر چکیا اے،پوسٹ عدم اعتماد تحریک کامیابی توں بعد دا بیانیہ بنایا جا رہیا اے، اسیں وی الیکشن وچ تاخیر نہیں چاہندے۔ میڈیا نال گل بات کردیاں ہویاں اوہناں نے آکھیاکہ عمران خان نے سیاسی تبدیلی نوں حق و باطل دی جنگ بنا دتا اے تے دُوجے پاسے شام نوں اتحادیاں دیاں منتاں وی کردے نیں۔اوہناں نے آکھیاکہ تحریک عدم اعتماد کوئی غیر آئینی اقدام نہیں،تُسی ہن نویں نویں بہانیاں نال اجلاس توں نٹھ رہے او تے سپریم کورٹ جا رہے او ۔