چیف الیکشن کمشنر دی تقرری عمران نیازی دی اپنی سفارش اُتے ہوئی، احسن اقبال

اسلام آباد (پنجابی میڈیا گروپ)پاکستان مسلم لیگ (ن )دے رہنما احسن اقبال نے آکھیا اے کہ چیف الیکشن کمشنر دی تقرری عمران نیازی دی اپنی سفارش اُتے ہوئی۔ سماجی رابطے دی ویب سائٹ ٹوئٹر اُتے اپنے جاری اک بیان وچ احسن اقبال نے آکھیا کہ عمران نیازی دے الیکشن کمیشن اُتے حملے جدکہ چیف الیکشن کمشنر دی تقرری آپئی اوہناں دی اپنی سفارش اُتے ہوئی۔ اوہناں نے عمران خان نوں جواب دیندیاں ہوئے آکھیا کہ عدلیہ نوں بھڑکیایا نواز شریف تے مسلم لیگ ن دے خلاف حالانکہ عدالتی حکم عزولی دی بدترین مثال آپئی قائم کیتی۔