پیسیاں دے 2،4ٹرک وزیراعظم مینوں وی دے دیندے تاں گل ایتھوں تک نہ اپڑدی،شیخ رشید

اسلام آباد( پنجابی میڈیا گروپ)وزیر داخلہ شیخ رشید نے آکھیا اے کہ مینوں مشورے وچ نہیں رکھیا لیکن پیسیاں دے دو چار ٹرک وزیراعظم اگر مینوں وی دے دیندے تے گل ایتھوں تک نہ اپڑدی۔تقریب نال خطاب کردیاں ہویاں وزیر داخلہ نے آکھیا کہ کیڑے مکوڑے پیسے لے کے اپنے ضمیر نوں ویچدے نیں،اوہناں نے صدام حسین تے اسامہ بن لادن دا مال کھادا،مال اپوزیشن دی کمزوری اے لیکن ضمیر فروش نکام ہون گے۔اوہناں نے آکھیا کہ ضمیر فروشاں دی سوچ جو مرضی اے لیکن عوام دی سوچ تے ووٹ عمران خان دے نال اے،عمران خان نال چٹان ونگوںکھڑا ہاں۔شیخ رشید نے آکھیا کہ ایہ سارے لوگ تھوڑے عرصے دی گل اے،اگلے الیکشن وچ تہاڈی مقبولیت ہور ودھے گی تے ایہ سبھ چل کے تہاڈے کول واپس آون گے لیکن تب اوہناں نوں لت مار دینا لیکن عمران خان سبب نوں معاف کر دیندے نیں۔