عہدہ آنی جانی چیز، جد تک ساہ وچ ساہ اے عمران خان دا ساتھ دیاں گا

لہور( پنجابی میڈیا گروپ)وزیراعلی پنجاب عثمان بزدار نے آکھیا اے کہ عہدہ آنی جانی چیز،جینا مرنا اپنی پارٹی تے عوام نال اے،جد تک ساہ وچ ساہ اے،عمران خان نال کھڑا رہواں گا۔وزیراعلی عثمان بزدار سے صوبائی وزیر تے اراکان پنجاب اسمبلی نے ملاقات کیتی جس وچ سردار آصف نکئی،آشفہ ریاض، اختر حیات، سلیم سرور جوڑا،لیاقت علی، عامر نواز چانڈیا تے ہورشامل نیں۔عثمان بزدار دا ایس موقع اُتے آکھنا سی کہ جد تک ساہ وچ ساہ اے،وزیراعظم عمران خان دا ساتھ نبھاواں گا،کپتان دے عوامی خدمت دے ایجنڈے مکمل کرن لئی ہر ممکن قدم چُکیا،اوہناں نے آکھیا کہ میرا جینا مرنا اپنی پارٹی تے عوام نال اے۔عہدہ آنی جانی چیز اے،سیاست نوں عبادت سمجھدا ہاں۔کپتان نال کھڑا ہاں تے کھڑا رہواں گا۔اپوزیشن دی منفی سیاست دا نقصان ملک و قوم نوں ہو رہا اے۔سیاسی انتشار پیدا کرن والیاں نوں قوم کدی معاف نہیں کرے گی۔واضح رہے کہ عدم اعتماد دے معاملے اُتے نمبرگیم پوری کرن لئی وزیراعظم عمران خان نے ق لیگی رہنما چودھری پرویز الہی نوں وزیراعلی بنان دا فیصلہ کیتا سی جس اُتے عثمان بزدار نے 2دن پہلاں اپنا استعفی وزیراعظم عمران خان نوںگھل دِتا سی۔