غیر متعلقہ خط دا سہارا لے کے عدم اعتماد مسترد کرنا گھٹیا حرکت اے:مولانا فضل الرحمان

اسلام آباد(پنجابی میڈیا گروپ)پاکستان ڈیمو کریٹک موومنٹ(پی ڈی ایم)تے جمعیت علمائے اسلام(ف)دے سربراہ مولانا فضل الرحمان نے آکھیا اے کہ غیر متعلقہ خط دا سہارا لے کے عدم اعتماد مسترد کرنا گھٹیا حرکت،تحریک اُتے ووٹنگ ہون تک اسمبلی تحلیل نہیں کیتی جاسکدی، جعلی حکمراناں نے آئین دیاں دھجیاں اڑا دتیاں، عمران خان نے ڈکٹیٹراں نوں وی پیچھے چھڈ دتا،مشوریاں دا عمل جاری، اگلا لائحہ عمل طے کر لاں گے۔جے یو آئی سربراہ نے موجودہ سیاسی صورتحال اُتے رد عمل دیندیاں ہویاں آکھیا کہ قومی اسمبلی وچ تحریک جعلی وزیراعظم دے خلاف ایجنڈے اُتے سی،اک غیر متعلقہ خط دا سہارا لے کے عدم اعتماد نوں مسترد کیتا گیا،بھونڈی حرکت کر کے ملک نوں سیاسی بحران ول دھکیلا گیا اے،تریخ وچ ایس دی حماقت ذمہ دار منصب نال قوم نے نہیں ویکھی ہوئے گی،عمران خان ہاریا نہیں ذلت نال نٹھیا اے،اینج دا کام کوئی پاگل ای کر سکدا اے۔