نگران وزیراعظم لئی سابق چیف جسٹس گلزار احمد دا ناں تجویز

اسلام آباد( پنجابی میڈیا گروپ)پاکستان تحریک انصاف(پی ٹی آئی)نے نگران وزیراعظم لئی سابق چیف جسٹس جسٹس (ر) گلزار احمد دا ناں تجویز کر دتا۔سابق وفاقی وزیر اطلاعات فواد چودھری نے سماجی رابطے دی ویب سائٹ ٹویٹر اُتے لکھیا کہ صدر مملکت ڈاکٹر عارف علوی دے خط دے جواب وچ تحریک انصاف(پی ٹی آئی)دی کور کمیٹی نال مشورے تے منظوری توں بعد وزیراعظم عمران خان نے سابق چیف جسٹس پاکستان جسٹس (ر)گلزار احمد دا ناں نگران وزیر اعظم لئی تجویز کیتااے۔