پنجاب وچ گورنرراج تے اسمبلی تحلیل کرن دیاں افواہواں گشت کرن لگیاں

لہور( پنجابی میڈیا گروپ)پنجاب وچ گورنر راج تے اسمبلی تحلیل کرن دی بازگشت سنائی دے رہی اے،جد کہ اپوزیشن لیڈر حمزہ شہبازشریف نے بھرپور مزاحمت دا عندیہ دے دتا اے۔ میڈیا دے مطابق وفاق وچ اسمبلیاں تحلیل کرن توں بعد ہن وزیراعظم عمران خان نے پنجاب دی نویں سیاسی صورتحال اُتے مشاورت لئی نویں گورنر پنجاب عمر چیمہ نوں اسلام آباد سدھ لیا اے،جس توں بعد پنجاب وچ گورنر راج تے اسمبلی تحلیل کرن دی بازگشت سنائی دے رہی اے،تے پنجاب وچ سیاسی ہلچل وچ تیزی آگئی اے،جدو کہ متحدہ اپوزیشن نے مشاورت لئی سر جوڑ لیے نیں۔پنجاب اسمبلی وچ اپوزیشن لیڈر تے مسلم لیگ(ن )دے رہنما حمزہ شہبازشریف دا کہنا اے کہ پنجاب دی صورتحال انتہائی گھمبیر اے حکومت کوئی وی غیر آئینی اقدام کر سکدی اے، پنجاب اسمبلی نوں تحلیل کرن دی کوشش اُتے بھرپور مزاحمت کراں گے۔ذرائع دا کہنا اے کہ پنجاب اسمبلی وچ اپوزیشن لیڈر حمزہ شہباز دی پیپلزپارٹی، ترین گروپ، عبدالعلیم خاں گروپ تے ہوراں نال مشاورت جاری اے،تے متحدہ اپوزیشن نے گورنر راج اُتے سخت ردعمل دین دا فیصلہ کرلیا گیا اے