عمران خان غیر ملکی سازش دا سہارا لے رہے نیں،بلاول بھٹو

اسلام آباد(پنجابی میڈیا گروپ)پاکستان پیپلزپارٹی دے چیئرمین بلاول بھٹو زرداری نے آکھیااے کہ عمران خان بغاوت دے جواز لئی غیر ملکی سازش دا سہارا لے رہے نیں۔ٹوئٹر اُتے جاری بیان وچ بلاول بھٹو زرداری نے آکھیا کہ کیا ڈی جی آئی ایس پی آر وضاحت دیون گے؟کیا قومی سلامتی کمیٹی نے197ارکان پارلیمنٹ نوںغدار قرار دتاکیا؟قومی سلامتی کمیٹی نے197ارکان نوں ایس غیرملکی سازش دا حصہ قرار دتا؟چیئرمین پی پی نے آکھیا کہ کیا دفترخارجہ یا وزارت دفاع7تے27مارچ دے درمیان سازش دے رابطے ساہمنے لاسکدے نیں۔اوہناں نے آکھیا کہ یقیناً اینج دے منصوبے دی تحقیقات انٹیلی جنس ایجنسیاں تے ہوراداریاں نوں کرنی چاہی دی سی،عمران خان دی انا پاکستان توں ودھ اہم نہیں۔