وزیراعظم شہباز شریف دی امیر قطر نال ملاقات

دوحہ( پنجابی میڈیاگروپ)وزیراعظم شہباز شریف نے دوحہ پہنچن دے بعد امیر قطر شیخ تمیم بن حمد آل ثانی نال ملاقات کیتی۔ ملاقات وچ وزیراعظم تے شیخ تمیم بن حمد آل ثانی دے درمیان دوناںپاسیاں دے مفاداُتے تبادلہ خیال کیتا گیا اوس دے علاوہ پاکستان تے قطر دے وچکار معاشی تے سرمایہ کاری سنے تعاون نوں ہور ودھان دے طریقیاں اُتے گل بات وی کیتی گئی ۔ امیر قطر نے قطر دی ترقی وچ پاکستانی محنت کشاں دیاں کوششاں نوں سراہیا تے فیفا ورلڈ کپ دے کامیاب انعقاد اُتے پاکستانی سکیورٹی حکام دی شاندار کارکردگی نوں سراہیا، وزیراعظم نے وی پاکستان دی ترقی دے منصوبیاں وچ قطر دی مسلسل حمایت اُتے اظہار تشکر کیتا۔ملاقات دے دوران وزیر اعظم شہباز شریف نے دوناں ملکاں دے وچکار تعاون ودھان دے وسیع موقعیاں نوں اُجاگر کیتا، سرمایہ کاری، تجارتی تے پاکستان توں ہنرمند افراد دی قطر برآمد دے طریقیاں تے ذرائع ودھان اُتے گل بات وی کیتی گئی۔امیر قطر نے وزیراعظم شہباز شریف نوں قطر آمد اُتے خوش آمدید آکھیا، امیر قطر نے پاکستان تے قطر دے درمیان معاشی تعاون ودھان وچ گہری دلچسپی دا اظہار کیتا، وزیراعظم نے امیر قطر نوں دورہ پاکستان دی دعوت دتی جس نوں اوہناں نے قبول کر لیا۔