عمران خان جنہاں نال ملنا چاہندے نیں اوہ عمران نال ملنا نہیں چاہندے، راناثناءاللہ

اسلام آباد(پنجابی میڈیاگروپ) وفاقی وزیرداخلہ رانا ثناء اللہ نے آکھیا اے کہ عمران خان سیاستداناں نال نہیں کسی ہور نال ملنا چاہندے نیں ۔ اک بیان وچ رانا ثناء اللہ نے آکھیا کہ عمران خان آمادہ ہون تاں اوہناں نال گل بات ہوسکدی اے لیکن عمران خان سیاست داناں نال نہیں کسی ہورنال ملنا چاہندے نیں تے عمران خان جنہاں نال ملنا چاہندے نیں اوہ عمران خان نال ملنا نہیں چاہندے ۔اوہناں نے آکھیا کہ عمران خان توں کوئی پُچھے کہ اوہ اوہناں نال کیوں ملنا چاہندے نیں، اگر عمران خان ملنا ہی چاہندے نیں تے اوہناں نوں ایہ کہنا چاہیدا اے کہ میں وزیراعظم شہباز شریف نال یا آصف زرداری نال ملنا چاہندا ہاں۔رانا ثناء اللہ نے آکھیا کہ صوبیاں دے وَکھ وَکھ الیکشن ملک نوں لے ڈوبن گے، ایس ویلے مردم شماری جاری اے، اگر 30 مارچ تک مردم شماری دا عمل مکمل ہوگیا تے نوٹیفائی ہوگیا تے اوس دے بعد آئین دے مطابق الیکشن اگلے 4 مہینیاں توں پہلاں نہیں کروا سکدے۔اک نجی ٹی وی دے مطابق وفاقی وزیر داخلہ رانا ثناء اللہ نے آکھیاکہ عمران خان پھڑیا جاندا اے تے نشے تے پلستر دا وی ٹیسٹ کراواں گے۔