ہیروئن دے عادی شخص نوں قوم اُتے تھوپنا بند کرو ،مریم نواز داٹوئٹ

اسلام آباد (پنجابی میڈیاگروپ) پاکستان مسلم لیگ (ن) دی چیف آر گنائزر و سینئر نائب صدر مریم نواز نے سابق وزیراعظم عمران خان ولوں توشہ خانہ کیس وچ عدالت وچ پیش نہ ہون اُتے رد عمل دیندیاں آکھیا اے کہ ترازو دے دونوں پلڑے برابر کرو ، ہیروئن دے عادی شخص نوں قوم اُتے تھوپنا بند کرو ۔ منگل نوں ٹوئٹر اُتے اپنے بیان وچ مریم نواز شریف نے ٹوئٹر اُتے پوسٹ شیئر کیتی جس اُتے مریم نواز تے نوازشریف دی تصویر اُتے لکھیا سی کہ 200پیشیاں بمقابلہ عمران خان دی 2 پیشیاں ،دُوجی پوسٹ اُتے لکھیا کہ اقامہ جیہڑا تنخواہ بیٹے توں لی ہی نہیں دُوجے پاسے لکھیا سی کہ ٹیریان خان بیٹی چھپانا ، تیجی پوسٹ اُتے عمران خان دور حکومت اُتے گرفتار ہون وا لیاں شخصیتاں دیاں تصویراں لائیاں گئیاں جدکہ مقابلہ وچ عمران خان دی تصویر سی۔ چوتھی پوسٹ اُتے لکھیا سی کہ 6 مہینیاں تک نوازشریف نوں بیل نہیں دتی گئی جدکہ دُوجے پاسے عمران خان نوں 48گھنٹیاں وچ بیلاں دتیاں گئیاں ۔