پیشی توں انکار:عمران نوں گرفتارکرنا پئے گا،وزیرداخلہ

اسلام آباد(پنجابی میڈیاگروپ) وفاقی وزیرداخلہ رانا ثنااللہ نے آکھیا اے کہ عمران خان نے عدالتاں وچ پیش ہون توں انکار کیتا تے لازمی اے اوہناں نوں گرفتار کرکے پیش کیتا جائے گا۔نجی ٹی وی نال گل بات کر دیاں رانا ثنااللہ نے اکھیاکہ اسیں توہین عدالت دارسک نہیں لے رہے، عمران خان نے عدالتاں وچ پیش ہون توں انکارکیتا تے لازمی اے اوہناں نوں گرفتار کرکے پیش کیتا جائے گا، ایہ عدالت وچ پیش ہون، بری ہُندا اے تے ہوجائے، سزا ملے تے سامنا کرے۔اوہناں نے آکھیا کہ30اپریل نوںالیکشن ہُندا اے تاں حصہ لین گے، آئین وچ صرف 90 دناں وچ الیکشن دا درج نہیں، کجھ ہور وی درج اے، آئین وچ درج اے کہ سارے الیکشن اک نال ہونا چاہیدے تے ساریاںصوبیاں وچ نگران حکومت ہونی چاہیدی، رانا ثناء اللہ نے آکھیا کہ الیکشن کمیشن دے نال غیر مشروط تعاون کراں گے، اپنے وسائل الیکشن کمیشن دے سامنے رکھاں گے۔