آئی ایم ایف نال معاہدہ چھیتی ہو جائے گا ،اسحاق ڈار

اسلام آباد (پنجابی میڈیاگروپ)وفاقی وزیرخزانہ سینیٹر محمد اسحق ڈار نے ساریاں سیاسی جماعتاں نوںمیثاق معیشت کرن دی دعوت دیندیاں ہویاں آکھیا اے کہ پاکستان ڈیفالٹ نہیں کرے گا ،عالمی مالیاتی ادارے (آئی ایم ایف )دے نال کجھ دناں وچ معاہدہ ہوجائے گا ، پچھلی حکومت پاروں عالمی اداریاں تے پاکستان دے وچکار اعتماد دا فقدان پیدا ہویا ، اسیں پچھلی حکومت دے عالمی اداریاں دے نال کیتے گئے وعدے پورے کراں گے۔ جمعرات نوںپبلک فنانشل منیجمنٹ ذریعے معاشی بحالی دے موضوع اُتے سیمینارنال خطاب کردیاں ہویاں وزیر خزانہ نے آکھیا کہ پچھلے ورھیاں دے دوران کیتی گئی معاشی بدانتظامی پاروں2013 توں2018تک حاصل کیتی گئی ترقی نوں مکمل طور اُتے ریورس گیئر لگ گیا ۔ اوہناں نے آکھیاکہ 2016 تے2017 دے دوران ملکی معیشت دنیا وچ24ویں نمبر اُتے سی۔