رانا ثنا اللہ اک قاتل انسان اے‘ڈاکٹر یاسمین راشد

لہور( پنجابی میڈیاگروپ)پاکستان تحریک انصاف وسطی پنجاب دی صدر ڈاکٹر یاسمین راشد نے آکھیا اے کہ وزیر داخلہ رانا ثنا اللہ خان اک قاتل انسان اے جیہڑا ملک وچ سکون نہیں آن دیوے گا ، ملک وچ ایس ویلے قنون دیاں دھجیاں اڑائیاں جا رہیاں نیں، اوہناں نے25مئی ونگوں نوا تماشہ شروع کردتا اے۔انسداد دہشتگردی دی خصوصی عدالت وچ پیشی اُتے میاں اسلم اقبال دے ہمراہ میڈیا نال گل کردیاں ہویاں ڈاکٹر یاسمین راشد نے آکھیا کہ ساڈے2ہزار توں وَدھ کارکناں نوں چُک لئیا گیا ، حسان نیازی نوں صرف پریشان کرن لئی پورے پاکستان دی سیر کروا رہے ہاں، اسیں پہلے دن توں کہہ رہے ساں کہ وزیر داخلہ قاتل انسان اے، رانا ثنا اللہ پاکستان وچ سکون نہیں آنے دیوے گا ۔ میاں اسلم اقبال نے آکھیا کہ اج ساڈی ریاست اندر حکمران ماں دا نہیں ڈائن دا رول ادا کر رہے نیں، جَد لالچی لوگ حکومت وچ بیٹھے ہون تے اینج دا نتجہ آیا کردا اے، توجہ ہٹان لئی پی ٹی آئی قیادت اُتے مقدمے درج کیتے جا رہے نیں۔