رانا ثنا اللہ دے خلاف پورے ملک وچ مقدمے درج کرا رہے ہاں: اعجاز چودھری

لہور(پنجابی میڈیاگروپ)پاکستان تحریک انصاف دے رہنما اعجاز چودھری نے آکھیا اے کہ اسیں رانا ثنا اللہ اُتے پورے ملک وچ مقدمے درج کرا رہے ہاں، رانا ثنا اللہ دے خلاف ہر ضلع تے تحصیل وچ مقدمہ درج کراواں گے۔زمان پارک وچ میڈیا نال گل بات کردیاں ہویاں سینیٹر اعجاز چودھری نے آکھیا اے کہ ساہنوں اُمید اے کہ سپریم کورٹ توں کل مثبت فیصلہ آ جائے گا، فیصلے دے بعد باقاعدہ الیکشن مہم شروع ہوئے گی، الیکشن مہم وچ کئی جلسے ہون گے۔اوہناں نے آکھیا مسلم لیگ (ن) دے رہنماواں دے بیاناں نوں توجہ نال سنو، ایہ سب عمران خان نوں ختم کرن دی گل کر رہے نیں، اینج دیاں گلاں اوس ویلے ہندیاں نیں جد کسی نوں قتل کرنا ہوئے ، پہلاں وی عمران خان اُتے قاتلانہ حملہ ہو چکیا اے۔