قانون سازی نال اج پارلیمانی جمہوریت دی روح زندہ ہو گئی:مریم اورنگزیب

اسلام آباد(پنجابی میڈیاگروپ)وفاقی وزیر اطلاعات مریم اورنگزیب نے آکھیا اے کہ اج عمل کر کے وکھا دتا اے ہر چیز دا اپنا اپنا ویلا ہُندااے تے اپنے ویلے اُتے اوہ چیز خوش اسلوبی نال ہو جائے تے ہی بہترہُندا اے۔سماجی رابطے دی ویب سائٹ ٹوئٹر اُتے اپنے بیان وچ وزیر اطلاعات مریم اورنگزیب نے آکھیا کہ غیر ضروری شور مچانا تے کجھ نہ کرنا ماضی دی روایت اے، ساہنوں اوہی گل کرنی چاہندی اے جس اُتے اسیں عمل کرن دا ارادہ رکھدے ہاں ۔ مریم اورنگزیب نے ہور آکھیاکہ پاکستان دا مفاد تے پارلیمنٹ دی بالادستی اے، اج پارلیمانی جمہوریت دی روح زندہ ہو گئی اے، جس انداز وچ ایہ ساری کارروائی ہوئی اے، ایہ اوس کم دی نوعیت توں وَدھ خوبصورت سی ، ساڈے سامنے ہمیشہ اک ہی مقصد ہوئے گا۔