3 رکنی بینچ بارے ساڈا اج وی اوہی موقف اے،رانا ثنا اللہ

اسلام آباد(پنجابی میڈیا گروپ)وفاقی وزیر داخلہ رانا ثناء اللہ ہوراں آکھیا اے کہ 3 رکنی بینچ بارے ساڈا اج وی اوہی موقف اے،جیہڑا ملک نوں سیاسی بحران توں کَڈے گا تے معاملات بہترانداز وچ اگے ودھائے گا ۔ میڈیا نال گل بات کردیاں ہویاںاوہناں نے آکھیا کہ 3 رکنی بینچ بارے ساڈا اج وی اوہی موقف اے لیکن اسیں بہتری دی امید رکھدے ہاں کہ ذمہ دارانہ فیصلہ سامنے آئے گا ۔ اوہناںنے آکھیاکہ عمران خان پاروں ملک سیاسی و معاشی عدم استحکام دا شکار ہویا، عدالتی بحران پاروں وی عمران خان دی فتنہ تے فساد اُتے مبنی سیاست اے۔ رانا ثناء اللہ نے آکھیا کہ پوری قوم تے بارز دا ایہی موقف اے کہ ایس معاملے دا فیصلہ فل کورٹ کرے تے پورے ملک وچ اک ویلے الیکشن ہونے چاہیدے۔اوہناں نے آکھیا کہ چیف جسٹس عمر عطا بندیال اک دانا ہور متوازن شخصیت دے مالک نیں ، اوہناں توں توقع اے کہ پوری قوم دے منشا دے مطابق معاملیاں نوں اگے ودھاواں گے۔