چین دے نال بھائی والی ویلے دی ہر آزمائش اُتے پوری اُتری اے،احسن اقبال

بیجنگ(پنجابی میڈیا گروپ)وفاقی وزیر منصوبہ بندی، ترقی تے خصوصی اقدامات پروفیسر احسن اقبال ہوراں آکھیا اے کہ چین دے نال پاکستان دے تعاون اُتے مبنی سٹریٹجک شراکت داری ویلے دی ہر آزمائش اُتے پوری اُتری اے جس نال دوناں ملکاں دی عوام نوں ٹھوس فائدے حاصل ہوئے نیں،سی پیک منصوبیاں نے پاکستان دے معاشی منظر نامے نوں تبدیل کردتا اے جنہاں نے پائیدار اقتصادی ترقی دی ٹھوس بنیاد رکھی اے۔ اوہ سرکردہ چینی تھنک ٹینکس دے سربراہواں تے نمائندیاں دے نال اک خصوصی اجلاس دے موقع اُتے گل بات کررہے سن ۔ وفاقی وزیر نے پاک چین تعلقات دی اہمیت اُتے زور دیندیاں ہویاں آکھیا کہ چین دے نال پاکستان دی سٹریٹجک نوںآپریٹو پارٹنرشپ ہرآزمائش اُتے پوری اُتری اے تے ایہ لازوال اے۔اوہناں نے ایس گل دا عہد کیتا کہ پاکستان تے چین دوناں لئی سٹریٹجک اہمیت دا حامل اے تے اوس نال دوناں ملکاںدی عوام نوں ٹھوس فائدے حاصل ہوئے نیں۔