بہتر ہُندا: لاڈلے نوں شیروانی پواکے وزیر اعظم ہاؤس وچ بٹھا دیندے،مریم اورنگزیب

اسلام آباد(پنجابی میڈیاگروپ)وفاقی وزیر اطلاعات مریم اورنگزیب ہوراں آکھیا کہ بہتر ہُندا لاڈلے بہروپیے نوں شیروانی پوا کے وزیر اعظم ہاؤس وچ بٹھا دیندے، قوم دا ویلا تے پیسہ بچ جاندا۔مریم اورنگزیب نے آکھیا کہ اکثریتی ججاں دے مسترد کردہ مقدمے وچ فیصلہ غیر آئینی اے، آئین اُتے انادا حاوی ہونا ملک لئی مہلک ثابت ہُندا اے، ناقابل عمل حکم نال سیاسی و آئینی بحران ہور گہرا ہوئے گا۔وفاقی وزیر اطلاعات دا کہنا سی کہ فیصلہ سپریم کورٹ دے ججاں دی اکثریت دے فیصلیاں دے متصادم اے، 2017 وچ وزیراعظم نواز شریف دی نااہلی دے غیر آئینی سیاہ فیصلے نال ملک وچ اج تک آئینی، سیاسی، معاشی بحران اے تے خمیازہ عوام بھگت رہی اے۔مریم اورنگزیب نے اکھیاکہ جَد سازش بے نقاب ہُندی اے تے دیر ہو چکی ہُندی اے، 6 ورھیاںبعد فہر سہولت کاری قبول نہیں۔