بھٹو دی برسی اُتے اک وار فیر عدل وانصاف داقتل ہویا ،وزیراعظم

اسلام آباد(پنجابی میڈیاگروپ)وزیر اعظم محمد شہباز شریف ہوراں آکھیا اے کہ ذوالفقار علی بھٹو دی برسی اُتے اک وار فیر عدل وانصاف داقتل ہویا اے،ذوالفقار علی بھٹو دے قتل اُتے صدارتی ریفرنس اُتے عمل ہونا چاہیدا اے تے فل کورٹ نوں بیٹھ کے ایہ فیصلہ کرنا چاہیدا اے۔منگل نوںقومی اسمبلی وچ گل کر دیاں ہویاں وزیراعظم نے آکھیا کہ ذوالفقار علی بھٹو دے قتل اُتے صدارتی ریفرنس اُتے عمل ہونا چاہیدا اے تے فل کورٹ نوں بیٹھ کے ایہ فیصلہ کرنا چاہید اے۔ وزیراعظم نے آکھیاکہ شہید بھٹو دے حوالہ نال پوری دنیا نوںعلم اے کہ ایہ اک عدالتی قتل سی ، فیصلہ کرن والیاں وچ اک جج نے بعد وچ اپنیاں یادداشتاں وچ وی ایس گل دا اعتراف کیتا سی۔