حکومتی اقدامات ناکافی، کرونا وائرس تیزی نال پھیل رہیا اے: شاہد خاقان عباسی

اسلام آباد: سابق وزیراعظم شاہد خاقان عباسی نے کرونا وائرس دے تیزی نال پھیلاؤ تے انتہائی تشویش دا اظہار کردیاں ایس موذی وباء توں بچاؤ لئی حکومتی اقدامات نوں ناکافی قرار دے دتا اے۔

شاہد خاقان عباسی دا پریس کانفرنس وچ کہنا سی سندھ حکومت نے کرونا وائرس دے حوالے نال چنگے اقدامات کیتے پر پنجاب نوں اک شہباز شریف دی لوڑ اے بزدار صاحب دے وس دی گل نہیں اے۔

اوہناں نے خدشہ ظاہر کیتا تفتان دے راستے بہت لوک ملک وچ آئے تے پورے ملک وچ پھیل گئے۔ ساڈی اطلاع دے مطابق 500دے قریب لوک پنجاب وچ پھیل چکے نیں۔

حکومت نے ایران توں آن والے زائرین دے معاملے وچ نکام ہوئی۔ حکومت نے ٹینٹ لائے جتھے بیمار تے صحت مند لوکاں نوں اکٹھا رکھیا۔

سابق وزیراعظم دا کہنا سی کرونا وائرس باہر توں آیا جہدا اجے تک کوئی علاج ای نہیں اے۔ پر ایہدے توں بچاؤ لئی وی حکومتی اقدامات ناکافی نیں۔