چیف جسٹس عمر عطا بندیال سنے سپریم کورٹ دے 8 ججاں خلاف سپریم جوڈیشل کونسل وچ ریفرنس دائر

اسلام آباد (پنجابی میڈیا گروپ)چیف جسٹس عمر عطا بندیال سنے سپریم کورٹ دے 8 ججاں خلاف سپریم جوڈیشل کونسل وچ ریفرنس دائر کردتا گیا۔میاں داؤد ایڈووکیٹ نے 8 ججاں خلاف ریفرنس سپریم جوڈیشل کونسل وچ دائر کیتا اے۔چیف جسٹس عمر عطا بندیال دے علاوہ جسٹس اعجاز الاحسن، جسٹس منیب اختر بطور فریق شامل نیں۔جسٹس مظاہر نقوی، جسٹس محمد علی مظہر، جسٹس عائشہ اے ملک وی ریفرنس وچ بطور فریق شامل نیں۔جسٹس حسن اظہر رضوی تے جسٹس شاہد وحید وی ریفرنس وچ بطور فریق شامل نیں ۔ریفرنس وچ آئین دے آرٹیکل 209 تے ججز کوڈ آف کنڈکٹ دی دفعہ 3 توں 6 تے 9 نوں بنیاد بنایا گیا اے ،سپریم جوڈیشل کونسل وچ دائر کیتے گئے ریفرنس مطابق پارلیمنٹ دے منظور کردہ بل نوں سماعت لئی مقرر کر کے اختیارات توں تجاوز کیتا گیا۔