پاکستان معاشی تباہی دے اثرات توں نکل رہیا اے، مریم اورنگزیب

اسلام آبا د (پنجابی میڈیا گروپ) وفاقی وزیر اطلاعات مریم اورنگزیب نے آکھیا کہ پاکستان معاشی تباہی دے اثرات توں نکل رہیا اے۔ آئی ایم ایف پروگرام عمران حکومت دی وعدہ خلافی پاروں معطل سی ۔ اپنے اک بیان وچ اوہناں نے آکھیا کہ اپریل 2022 وچ حکومت سنبھالی تے آئی ایم ایف پروگرام عمران حکومت دی وعدہ خلافی پاروں معطل سی تے ملک دیوالیہ ہون دے دھانے اُتے سی۔وزیر اطلاعات نے آکھیا کہ سابق حکومت نے جاندیاں جاندیاں خزانے لئی ناقابل برداشت فیول سبسڈی دتی جس پاروں قوم نوں 100 ارب روپے ماہانہ خسارہ برداشت کرنا پئیا ۔پچھلے ورھے ساڈی امپورٹس 80 ارب تے برآمدات 31 ارب ڈالر سی ، تریخ دے سب توں وڈے49 ارب ڈالر تجارتی خسارے دا سامنا سی۔ اوہناں نے آکھیا کہ سابقہ حکومت 17.5 ارب ڈالر دا کرنٹ اکاؤنٹ خسارہ دے کے گئی۔وزیر اطلاعات نے آکھیا کہ اج فیڈرل، ٹریڈ تے کرنٹ اکاؤنٹ خساریاں سنے ملک دی معاشی صورتحال وچ بہتری آرہی اے۔