اک شخص دی ضد اُتے الیکشن کروان دی خواہش پوری کرن دی کوشش کیتی جا رہی اے،میاں جاوید لطیف

اسلام آباد(پنجابی میڈیا گروپ)وفاقی وزیر میاں جاوید لطیف نے آکھیا اے کہ اک شخص دی ضد اُتے الیکشن کروان دی خواہش پوری کرن دی کوشش کیتی جا رہی اے،2002، 2008، تے 2018 وچ نواز شریف نوں الیکشن توں باہر رکھیا گیا،ہُن 2023 وچ خواہش کیوں اے ؟ پَھلدے پُھولدے پاکستان نوں ڈبون والیاں خلاف ازخود نوٹس کیوں نہیں ہُندا،کچے دے ڈاکوواں نے تے کجھ100 لوکاںں نوں لٹیا ، زمان پارک دا ڈاکو تے پورے پاکستان دے ہر گھر دا مجرم اے،کچے دے ڈاکوواں نال مذاکرات ہو سکدے نیں عمران خان نال نہیں،اداریاں دی ہار جت دی بحث توں باہر آون،اگر ادارے آئینی حدود وچ اج وی کم کرنا شروع کردیون تے بہتری آئے گی۔ میڈیا نال گل کردیاں ہویاں وفاقی وزیر نے آکھیاکہ اک شخص دی ضد اُتے الیکشن کروان دی خواہش پوری دی کوشش کیتی جا رہی اے،سازش ایہ اے کہ نواز شریف نوں الیکشن توں باہر رکھیا جائے۔ اوہناں نے آکھیاکہ ساہنوں اک سوال دا جواب دیو، 2002، 2008، تے 2018 وچ نواز شریف نوں الیکشن توں باہر رکھیا گیا،ہُن 2023 وچ ایہ خواہش کیوں اے۔