پنجاب الیکشن، قومی اسمبلی وچ الیکشن کمیشن نوںفنڈز جاری کرن دی ڈیمانڈ کثرت رائے نال مسترد

اسلام آباد (پنجابی میڈیا گروپ)قومی اسمبلی نے پیر نوں کثرت رائے نال الیکشن کمیشن نوں پنجاب وچ الیکشن لئی 21 ارب روپے فراہم کرن دی ڈیمانڈ مسترد کردتی ۔وزیر قنون اعظم نذیر تارڑ نے ایس حوالے نال ضمنی ڈیمانڈ 64 اے ایوان وچ پیش کیتی ۔سپیکر نے ڈیمانڈ رائے شماری لئی ایوان وچ پیش کیتی، تحریک انصاف نے ڈیمانڈ دی حمایت جدکہ حکومتی اراکاناں نے مخالفت کیتی ۔ایوان نے تحریک نوں کثرت رائے نال مسترد کر دتا۔ایس توں پہلاں قومی اسمبلی نے پنجاب وچ الکشن لئی فنڈز فراہمی دے معاملے اُتے قائمہ کمیٹی دی رپورٹ منظور کرلئی ۔وزیر قنون اعظم نذیر تارڑ نے رپورٹ منظور کرن دی تحریک پیش کیتی سی ۔قائمہ کمیٹی نے قومی اسمبلی دی منظوری دے بغیر فنڈز جاری نہ کرن دی سفارش کیتی سی۔ایس موقع اُتے اظہا رخیال کردیاں ہویاں وزیر قنون اعظم نذیر تارڑ نے آکھیا کہ ازخود نوٹس نال شروع ہون والے مقدمے وچ 2جج صاحبان وَکھ ہو گئے۔4جج صاحبان نے پیٹیشن مسترد کر دتی ۔ ایہنی معاشی مشکلاں دے باوجود کسی اک شخص نوں خوش کرن لئی الیکشن کروان دا فیصلہ دتا گیا۔ ااہناں دا کہنا سی ایس ایوان نے پورے ملک وچ اک ہی روز الیکشن کروان دی قرارداد منظور کیتی ۔ سپریم کورٹ نے سٹیٹ بینک توں کونسولیڈڈیٹڈ فنڈ توں رقم کَڈن دا حکم دتا سی ۔ اوہناں دسیا کہ قائمہ کمیٹی برائے خزانہ نے معاملہ اُتے غور کیتا۔وفاقی کابینہ تے قائمہ کمیٹی نے معاملہ ایس ایوان نوں گھل دتا کیونکہ ایہ اختیار ایس ایوان دا اے۔ بعدازاں قومی اسمبلی اجلاس اج(منگل نوں) دوپہر 12 وجے تک ملتوی کردتا گیا ۔