کورونا وائرس: کراچی وچ لگن والے سارے بچت بازار بند کرن دا حکم

کراچی وچ لگن والے سارے بچت بازاراں نوں بند کرن دا حکم دے دتا گیا۔ ایس سلسلے وچ نوٹیفکیشن وی جاری کر دتا گیا اے جہدے تحت سارے بچت بازار تے میلیاں دے جاری حکم نامے منسوخ کر دتے گئے نیں۔

ترجمان بلدیہ عظمیٰ کراچی دے مطابق بچت بازار کے ایم سی دے زیر انتظام چلائے جاندے نیں تے میئر کراچی نے کورونا دی موجودہ صورتحال دے پیش نظر حکم جاری کیتا جہدے بعد سارے اجازت نامے عارضی طور تے معطل کر دتے گئے تے سارے بچت بازار تاحکم ثانی بند رہن گے۔