مذاکرات دے معاملات بہتری وَل جا رہے نیں،سراج الحق

اسلام آباد(پنجابی میڈیاگروپ)امیر جماعتِ اسلامی پاکستان سراج الحق نے آکھیا اے کہ مذاکرات دے معاملات ہُن بہتری وَل جا رہے نیں۔اک انٹرویووچ اوہناں نے آکھیا کہ سپریم کورٹ خود بوجھ نہ چُکے، ایہ بوجھ سیاستداناں نوں چُکن دیوے۔سراج الحق نے آکھیا کہ سب نوں احساس ہو گیا کہ لڑن نال فساد تے انارکی ودھے گی ،مذاکرات نال نتائج نکلن گے تے مسئلے دا حل نکلے گا۔اوہناںنے آکھیاکہ پہلاں تے سیاستدان اک دُوجے دا نام سنن نوں تیار نہیں سن، پی ٹی آئی نوں خدشہ اے کہ حکومت الیکشن چاہتی ہی نہیں اے۔امیرِ جماعتِ اسلامی پاکستان سراج الحق نے آکھیا کہ ایہ وڈی ڈیولپمنٹ اے کہ پی ٹی آئی تے پی ڈی ایم مذاکرات لئی اگے ودھ رہیاں نیں۔