حکومت ولوں عدالت وچ آئیں بائیں شائیں کیتی گئی،تحریک انصاف

اسلام آباد(پنجابی میڈیاگروپ) پاکستان تحریک انصاف نے آکھیا اے کہ حکومت ولوں عدالت وچ آئیں بائیں شائیں کیتی گئی ،ایہ الیکشن توں فرار اختیار کرنا چاہندے نیں ، آئین توں بالاتر پارلیمنٹ نہ ہی سپریم کورٹ اے ،مذاکرات ہُندے نیں تے اسیں ویلکم کراں گے،اج پارلیمنٹ وچ بیٹھن نوں اسیں تیار ہاں ۔ایہہ گلاں سابق وزیر شاہ محمود قریشی ، فواد چوہدری ، شیخ رشید احمد تے سینیٹر فیصل جاوید نے میڈیا نال کیتیاں ۔ شاہ محمود قریشی نے آکھیاکہ فاضل سپریم کورٹ نوں گزارشات پیش کیتیاں نیں ، اسیں وضاحت دے دتی اے،سلمان اکرم راجہ دے چیمبر وچ بیٹھ کے اسیں لائحہ عمل تشکیل دتا سی۔ اوہناں نے آکھیاکہ تحریک انصاف دے چیئرمین نے 3 رکنی کمیٹی تشکیل دے دتی اے۔ اوہناں نے اکھیاکہ اٹارنی جنرل نے پی ٹی آئی دی کمیٹی نوں قبول کیتا اے۔ سابق وزیر نے آکھیاکہ حکومت الیکشن توں فرار دی راہ اختیار کرنا چاہندی اے۔ اوہناں نے آکھیا کہ اج پارلیمنٹ وچ بیٹھن نوں اسیں تیار ہاں ۔ شاہ محمو قریشی نے آکھیاکہ 4 وجے دا ویلا دتا گیا اے اسیں سنجیدہ ہاں 4 وجے حاضر ہو جان گے۔