شہباز شریف قومی مجرماں دا سردار اے،یاسمین راشد

لہور(پنجابی میڈیاگروپ)پاکستان تحریک انصاف وسطی پنجاب دی صدر ڈاکٹر یاسمین راشد ہوراںآکھیا اے کہ شہباز شریف قومی مجرماں دا سردار اے، اوس نے ہمیشہ قوم نال جھوٹ بولیا۔پی ٹی آئی سینٹرل پنجاب دی صدر نال پارٹی دفتر جیل روڈ وچ مختلف رہنماواں نے ملاقات کیتی، پی ٹی آئی رہنماواں نے انتخابی مہم دے حوالے نال تبادلہ خیال کیتا۔ایس موقع اُتے ڈاکٹر یاسمین راشد نے آکھیا کہ شہباز سرکار دی ہٹ دھرمی پاروں ملک دن بدن بحراناں وچ دھنسدا جا رہیا اے، شہباز شریف دی قیادت وچ قومی لٹیرے سپریم کورٹ اُتے حملہ آور نیں، بلاول زرداری ملکی اداریاں دی تذلیل تے آئین شکنی کرن وچ ملوث اے۔اوہناں نے آکھیا کہ قومی لٹیرے اک دُوجے نوں بچان وچ لگے نیں، ملک دی تباہی دے اصل ذمہ دار نواز شریف، آصف زرداری تے فضل الرحمان نیں ۔ ڈاکٹر یاسمین راشد نے آکھیا کہ امپورٹڈ حکومت اگر اک دن الیکشن کرانا چاہندی اے تے فوری طور اُتے قومی اسمبلی ختم کرے، شوباز شریف اپنیاں ساریاں ناکامیاں دا ملبہ عمران خان اُتے نا پائے۔