شریفاں داجیتھے پیر پہ جائے اوتھے خیر نہیں ہُندی،پرویز الٰہی

لہور(پنجابی میڈیاگروپ)سابق وزیر اعلی پنجاب پرویز الٰہی دا کہنا اے کہ شریفاں دا جیتھے پیر پہ جائے اوتھے خیر نہیں ہُندی،نواز شریف بھگوڑا اے ملک آئے فیر گل بات ہوئے گی۔لہور ہائیکورٹ نے سابق وزیر اعلی پنجاب پرویز الٰہی دی اینٹی کرپشن وچ درج مقدمے وچ6مئی تک حفاظتی ضمانت منظور کرلئی،چوہدری پرویز الٰہی دے وکیل نے دلائی دتے کہ گوجرانوالہ وچ اینٹی کرپشن نے اک مقدمہ درج کیتا۔درخواست گزار سابق وزیر اعلی اے جس دے خلاف سیاسی نوعیت دا بدنیتی اُتے مبنی مقدمہ درج کیتا گیا لہذا ہائی کورٹ حفاظتی ضمانت منظور کرے۔عدالت نے 6 مئی تک حفاظتی ضمانت منظور کردیاں ہویاں 50 ہزار دے مچلکے جمع کروان دی ہدایت دی ۔پرویز الٰہی دے خلاف سڑکاں دے ٹھیکے من پسند افراد نوں دین تے کک بیکس دے الزام وچ مقدمہ درج کیتا گیا اے۔سماعت دے بعد میڈیا نال گل بات کردیاں پرویز الٰہی نے آکھیا کہ شریفاں دا جیتھے پیر پہ جائے اوتھے خیر نہیں ہُندی،نواز شریف بھگوڑا اے واپس آئے تَد ہی گل ہوئے گی۔