فنڈز فراہمی دامعاملہ:سپریم کورٹ نے وزارت خزانہ توں وی رپورٹ منگ لئی

اسلام آباد( پنجابی میڈیاگروپ)سپریم کورٹ نے پنجاب وچ الیکشن لئی فنڈزدی فراہمی دے معاملے اُتے وزارت خزانہ توں رپورٹ منگ لئی۔سپریم کورٹ رجسٹرار آفس ولوں وزارت خزانہ نوں نوٹس گھل دتاگیا اے،عدالت دے خصوصی میسنجر نے نوٹس وزارت خزانہ نوں گھلیا اے۔ذرائع مطابق عدالتی نوٹس اُتے وزارت خزانہ دی رپورٹ تاحال رجسٹرار آفس سپریم کورٹ نہیں پہنچی،جس اُتے عدالت ولوں نوٹس گھلیاگیا اے،ایس توں پہلاں الیکشن کمیشن ولوں فنڈز فراہمی بارے رپورٹ سپریم کورٹ وچ جمع کروا دتی گئی۔ذرائع دے مطابق الیکشن لئی فنڈز دے اجرا بارے رپورٹ الیکشن کمیشن نے سپریم کورٹ وچ جمع کروائی، الیکشن کمیشن دی2صفحیاں اُتے مشتمل پیش رفت رپورٹ وچ فنڈزدی عدم فراہمی دا ذکر کیتا گیا اے۔