آئندہ وزیراعظم عمران خان ہون گے،مسرت چیمہ

لہور(پنجابی میڈیاگروپ)پاکستان تحریک انصاف دی مرکزی رہنما مسرت جمشید چیمہ نے آکھیا اے کہ آئین وقنون دی بالا دستی اُتے کوئی سمجھوتہ نہیں ہوئے گا،ملک دے آئندہ وزیراعظم عمران خان ہون گے،اصلاحات اُتے مبنی پالیسیاں نال پاکستان نوں ترقی دی راہ اُتے گامزن کراں گے۔تحریک انصاف دے چیئرمین عمران خان دی اسلام آباد پیشی اُتے میڈیا نمائندیاں نال گل بات کردیاں ہویاں مسرت جمشید چیمہ نے آکھیا کہ فسطائی حکومت دے جبر دے نظام تے جعلی مقدمیاں نے تحریک انصاف دی قیادت تے کارکناںنوں کندن بنادتا اے،جس طرح دے مظالم پی ٹی آئی اُتے کیتے گئے نیں ملک دی تریخ وچ اوس دی کوئی مثال موجود نہیں ۔اپنے نال ہون والے ظلم نوںتے معاف کر سَکدے نیں۔