14 مئی نوں صرف پنجاب وچ الیکشن قطعی قبول نہیں،نوازشریف

اسلام آباد(پنجابی میڈیاگروپ)تحریک انصاف نال مذاکرات دا معاملہ،قائد(ن)لیگ نوازشریف نے پارٹی نوں2 ٹوک ہدایت جاری کردتی ۔حکومتی ذرائع مطابق وزیراعظم شہباز شریف تے سینئر پارٹی رہنماواں دی نوازشریف دے نال مشاورت ہوئی ۔وزیر خزانہ اسحاق ڈار نے مذاکرات دے دوناں ادوار تے تحریک انصاف دیاں شرطاں توں آگاہ کیتا۔ذرائع مطابق نوازشریف نے آکھیاکہ عام الیکشن اک ہی دن کروان دے مطالبے نال حکومت کسی طور پیچھے نہ ہٹے،14 مئی نوں صرف پنجاب وچ الیکشن قطعی قبول نہیں۔ ذرائع مطابق مئی وچ قومی اسمبلی تے بلوچستان و سندھ دیاں صوبائی اسمبلیاں تحلیل دا تحریک انصاف دا مطالبہ وی مسترد کر دتاگیا ۔ ذرائع (ن)لیگ مطابق بلوچستان وچ باپ تے سندھ وچ پیپلز پارٹی دی مرضی دے بغیر کِنج اسمبلیاں توڑن دی یقین دہانی کروائیے۔ نوازشریف نے آکھیاکہ عمران نیازی مذاکرات دے حوالے نال روز اپنا موقف تبدیل کررہیا اے۔