اسیں سنجیدہ ہاں مگر عمران خان دی ایہی ہٹ دھرمی رہی تے مذاکرات دا کوئی فائدہ نہیں،راناتنویرحسین

مریدکے(پنجابی میڈیاگروپ)وفاقی وزیر تعلیم رانا تنویر حسین نے آکھیا اے کہ اسیں مذاکرات لئی سنجیدہ ہاں مگر عمران خان بیوقوفاں والیاں گلاںکردے نیں کہ14مئی نوں اسمبلیاں تحلیل کیتیاں جان جیہڑیاںکہ نہیں کیتیاں جاسکدیاں،عمران خان دی ایہی ہٹ دھرمی رہی تے مذاکرات دا کوئی فائدہ نہیں،مذاکرات نکام ہی سمجھن،سابق ناظم مرزا حامد بیگ تے تنویر حسین طالب دے ڈیرہ اُتے ایم این اے دے امیدوار احمد عتیق انور ایم پی اے دے امیدوار چوہدری ارشد ورک دے ہمراہ گل بات کردیاں رانا تنویر حسین نے آکھیا کہ مسلم لیگ (ن) دی قیادت دی ویڈیو لنک میٹنگ ہوئی اے میاں نواز شریف نال سن جس وچ ملکی حالات ،مذاکرات ،الیکشن تے موجودہ صورتحال اُتے تفصیل نال گل ہوئی ،ساڈا موقف اے کہ الیکشن اک نال ہوں۔