موجودہ حکومت صرف مقدمے ختم کروان آئی اے،مسرت جمشید چیمہ

لہور(پنجابی میڈیاگروپ)پاکستان تحریک انصاف دی مرکزی رہنما مسرت جمشید چیمہ نے آکھیا اے کہ موجودہ حکومت صرف مقدمے ختم کروان لئی آئی،قوم حقیقی آزادی لئی تیاراے،باشعور تے حقیقی آزادی دے مطلب توں واقف ہوچکی اے۔لہور وچ پریس کانفرنس کردیاں ہویاں مسرت جمشید چیمہ نے آکھیا کہ پاکستان وچ سب دے حقوق نیں سوائے مزدور دے، مزدور ایسا بدقسمت طبقہ اے جس نوں اوس دی اُجرت نہیں ملدی،عمران خان دے دور وچ سب توں وَدھ مزدور طبقے نوں فائدہ ہویا، ساڈے دور وچ کساناں دی آمدنی وچ ریکارڈ اضافہ ہویا، صنعتی ترقی نال مزدوراں دی آمدنی وَدھ ہوئی سی۔پی ٹی آئی دور وچ کساناں نوں 2600 ارب روپے دا فائدہ ہویا۔اوہنا نے آکھیا کہ عمران خان نے مزدوراں لئی احساس پروگرام شروع کیتا، پناہ گاہواں وچ عمران خان خود مزدوراں دے نال بیٹھ کے کھانا کھاندے سن۔