حکومت محنت کشاں دے حقوق دے تحفظ لئی سرگرم اے ،اعظم نذیر تارڑ

اسلام آباد(پنجابی میڈیا گروپ)وفاقی وزیر قنون اعظم نذیر تارڑ نے آکھیا اے کہ موجودہ حکومت محنت کشاں دے حقوق دے تحفظ لئی سرگرم اے،مزدوراں دا عالمی دن نہ صرف محنت کشاں دے تقدس تے وقاردی علامت اے بلکہ ایہ مزدوراں دی اہمیت دا اعتراف وی اے کیونکہ مزدور ملکی معاشی ترقی وچ مرکزی حیثیت رکھدے نیں۔پیر نوں یوم مئی اُتے اپنے پیغام وچ وفاقی وزیر قنون نے آکھیا کہ مزدور پوری قوم دے معمارنیں لہذا اج قوم مزدوراں نوں خراج تحسین پیش کردی اے تے ملک دی ترقی وچ اوہناں دے کردار تے تعاون نوں سراہندی اے۔ اوہناں نے آکھیا کہ اسلام نے سماجی انصاف، مساوات تے انسانی حقوق دے احترام دے اصولاں اُتے وی زوردتا اے۔اللہ تعالی تے خانم النبیین نبی اکرم صلی اللہ علیہ وسلم نے ساہنوں مزدوراں دے قنونی تے بنیادی انسانی حقوق نوں انتہائی اہمیت دین دا حکم دتا اے۔