10 دن پہلاں یا بعد الیکشن ہر صورت ہو کے رہن گے،شیخ رشید

لہور(پنجابی میڈیاگروپ)سربراہ عوامی مسلم لیگ وسابق وفاقی وزیر داخلہ شیخ رشید احمد نے آکھیا اے کہ امید اے عدلیہ کسی فیصلے اُتے پہنچن توں پہلاں مذاکرات دی کامیابی یا نکامی نوں وی ویکھے گی۔سماجی رابطے دی ویب سائٹ ٹوئٹر اُتے اپنے ٹوئٹ وچ شیخ رشید احمددا کہنا سی کہ مذاکرات بہانہ اے یا الیکشن کروانا اے،ایس دا فیصلہ 10مئی تک ہو جائے گا، عدلیہ، آئین و قنون ہر صورت وچ جتے گا، الیکشن ہر صورت ہو کے رہن گے، 10دن پہلاں یا 10دن بعد ہون۔اوہناں نے آکھیاکہ ایس ہفتے سپریم کورٹ توں قوم نوں اہم فیصلیاں دی توقع اے، پی ڈی ایم ٹُٹ پھُٹ دا شکار اے، قوم جاننا چاہندی اے آئی ایم ایف نال معاہدے دا کیہ بنیا، جیہڑے روز آڈیو، ویڈیو کھیڈرہے س اوہناں دے اپنے وزیر خارجہ، وزیراعظم دی آڈیو وی لیک ہوگئی۔ سابق وفاقی وزیر دا ہور کہنا سی کہ بقول شاہد خاقان عباسی دے آٹے دی لائن وچ 20جاناں گئیاں۔