خواجہ آصف تے جاوید لطیف مذاکرات وچ رکاوٹ کیوں بن رہے نیں؟شاہ محمودقریشی

پنڈی(پنجابی میڈیاگروپ)پاکستان تحریک انصاف دے رہنما شاہ محمود قریشی نے آکھیا اے کہ اسحاق ڈار دسن کہ کیا خواجہ آصف تے جاوید لطیف تہاڈی ہی جماعت دا حصہ نیں؟خواجہ آصف تے جاوید لطیف مذاکرات وچ رکاوٹ کیوں بن رہے نیں؟صحافیاں نال گل کردیاں ہویاں شاہ محمود قریشی نے آکھیا کہ اگر اسحاق ڈاردی جماعت وچ اتفاق رائے نہیں ہُندا تے پی آٹی آئی اپنا نکتہ نظر سپریم کورٹ وچ رَکھ دیوے گی۔اوہناں نے آکھیا کہ حکومت نے عدالت وچ آکھیا سیاسی اتفاق رائے دا موقع دتا جائے، اسیں حکومت توں 2نشستاں کرلئیاں نیں، تیجی نشست کل اے، زرداری، آئین بنان والے نیں، اوہ آئین شکناں دے نال کھڑے چنگے نہیں لگدے، آئین اُتے حملہ ہورہیا اے، پارلیمینٹ وچ ججاں اُتے ذاتی جملے کسے جا رہے نیں ۔ شاہ محمود قریشی نے آکھیا کہ عوام اینہی بے وقوف نہیں، عوام حالات توں باخبرنیں ، مذاکرات تے الیکشن لئی اسیں تیار ہاں لیکن تحریک لئی وی تیارنیں۔