ارینج میرج وچ طلاق دی شرح گھٹ ہُندی اے،جمائمہ خان

واشنگٹن(پنجابی میڈیا گروپ)امریکی فلم پروڈیوسروسابق وزیراعظم عمران خان دی سابق گھر والی جمائما خان نے آکھیا اے کہ ارینج میرج وچ طلاق دی شرح گھٹ ہُندی اے،فلم واٹس لو گاڈ ٹو ڈو ود اٹ؟ دی کہانی عمران خان دے نال محبت تے ویاہ دی کہانی توں متاثر ہو کے لکھی۔غیر ملکی میڈیانوں انٹرویو دیندیاں ہویاں جمائما خان نے تصدیق کردتی کہ اوہناں نے اپنی فلم واٹس لو گاڈ ٹو ڈو ود اٹ؟ دی کہانی پاکستان دے سابق وزیراعظم عمران خان دے نال محبت تے ویاہ دی کہانی توں متاثر ہو کے لکھی۔اوہناں نے دسیا کہ اوہناں نے ایہ فلم لکھن وچ تقریبا10 ورھے دا عرصہ لایا۔اوہناں نے دسیا ایس فلم دا اک اک کردار ، اک اک لائن ، اک اک مذاق ، پاکستان وچ گزارے ویلے تے حقیقت توں قریب تر اے۔ ایس وچ کسی دی مدد دے بغیر خود تحریر کیتی اے۔اوہناں نے دسیا کہ اوہناں دا اپنا پروڈکشن ہائوس اے جیتھے ٹی وی لئی دستاویزی فلماں بنائیاں جاندیاں نیں لیکن ایس توں کجھ ویلا کَڈ کے ایس فلم دی کہانی اُتے کم کیتا۔