جج پہلاں اپنے اندر اتحاد لئی مذاکرات کرن،خواجہ آصف

اسلام آباد(پنجابی میڈیا گروپ)وزیردفاع خواجہ آصف نے آکھیا اے کہ جج پہلاں اپنے اندر اتحاد لئی مذاکرات کرن،سارا رولا ستمبر دا اے سمجھ آئی جی؟اک انٹرویو دے دوران اینکر پرسن میزبان نے سوال کیتا کہ عمران خان چاہندے نیں کہ چیف جسٹس عمر عطا بندیال دی ستمبر وچ ریٹائرمنٹ توں پہلاں الیکشن ہوجان؟خواجہ آصف صاحب تُسی چاہندے او،اوہناں دی ریٹائرمنٹ دے بعد الیکشن ہون؟ایس اُتے وزیر دفاع نے جواب دتا کہ اسیں ایہ نہیں چاہندے کہ اوہناں دی ریٹامنٹ دے بعد ہون، اسیں تاں چاہندے ہاں کہ ویلے اُتے ہون۔اینکرپرسن نے استفسار کیتا کہ ایس دا مطلب اے تُسی کہہ رہے او ستمبر2023ء توں پہلاں الیکشن نہ ہون؟مذاکرات دا کھیڈ سیاستدان کردے رہندے نیں،عمران خان نال مذاکرات بے سودنیں۔اوہناں نے آکھیا کہ اسیں تے کہندے ہاں ویلے اُتے الیکشن ہون اکتوبر وچ، سارے اکٹھے، ساہنوں مذاکرات دا کہن والے جج خود تقسیم ہوئے بیٹھے نیں، جج پہلاں اپنے اندر اتحاد لئی مذاکرات کرن۔