قوم نوں ماموں بنان والے سپریم کورٹ دے مامے نہ بنن،وزیر داخلہ

اسلام آباد (پنجابی میڈیاگروپ)وزیرداخلہ رانا ثناء اللہ خاں نے تحریک انصاف دے رہنما فواد چوہدری دے بیان اُتے ردعمل دیندیاں آکھیا اے کہ قوم نوں ماموں بنان والے سپریم کورٹ دے مامے نہ بنن ۔ اپنے بیان وچ وفاقی وزیر داخلہ نے آکھیا کہ مریم نواز نوں نوٹس نہ گھلن، بشری بی بی عدالت وچ پیش ہو کے کرپشن دا جواب دیوے جیتھے خاوند منہ اُتے بالٹی پہن کے جاندااے ،بشرا بی بی خاوند نوں منہ اُتے بالٹی پا کے عدالت لے کر جان ۔ اوہناں نے آکھیاکہ ایہ ٹرک چھپاؤ یا پہنچاؤ تحریک دی پریس کانفرنس سی۔ اوہناں نے آکھیاکہ الیکشن کمیشن، وکیلاں ، صحافیاں تے سیاسی مخالفاں اُتے گند اچھالنا گالی دینا دھمکانا عمران خان داوطیرہ اے ۔ اوہناں نے آکھیا کہ جیہڑا خلاف گل کرے اوہ وکیل پے رول پے نیںتے صحافی لفافے نیں، الیکشن کمیشن بکاؤ اے ۔ ااوہناں نے آکھیاکہ جیہڑی غلامی نہ کرے اوہ مسلم لیگ (ن) دے نیں رول اُتے تے جیہڑا صحافی حق دی گل کرے اوہ لفافہ،190 ملین پاؤنڈ دے لفافے دا جواب دیو جیہڑا فراڈ نیازی نے فراڈ کرکے اپنے سپانسر نوں خیرات کیتا ۔ اوہناں نے آکھیا کہ پورا قومی خزانہ عمران مافیا دے نشانے اُتے سی ،عدلیہ دا اختیار پارلیمنٹ نے شفاف بنایا اے ،منصب، کرسی تے اختیاردا ناجائز استعمال سب توں وڈی آئین شکنی اے۔