مذاکرات دا ویلا بدلنا وی ہور اک دن ضائع کرن دے مترادف اے،شیخ رشید

اسلام آباد (پنجابی میڈیاگروپ)عوامی مسلم لیگ دے سربراہ و سابق وفاقی وزیر داخلہ شیخ رشید احمد نے آکھیا اے کہ مذاکرات دا ویلا بدلنا وی ہور اک دن ضائع کرن دے مترادف اے ۔ سماجی رابطے دی ویب سائٹ ٹویٹر اُتے اک پیغام وچ شیخ رشید احمد نے آکھیا کہ جَد نیت خراب ہوئے تے بدنیتی دے فیصلے کیتے جاندے نیں، پہلاں ہی کہہ چکیا ہاں مئی اہم اے، 10 مئی تک پتہ لگ جائے گا، آر ہوئے گا یا پار ہوئے گا، حکومت منظم سازش تحت عدلیہ نوں نشانہ بنا رہی اے، عدلیہ جتے گی، آئین تے قنون جتے گا، الیکشن ہو کے رہن گے۔ اوہناں نے آکھیا کہ پی ڈی ایم ٹٹ پھٹ دا شکار ہو چکی اے، بلاول مغرب دی پالیسی تے حنا ربانی مشرق دی گل کر رہی اے، ن لیگ مذاکرات اُتے وی انتشار دا شکار اے، موجودہ حکومت دی ہر شعبے وچ نااہلی ساہمنے آچکی اے، حساس اداریاں نوں احساس اے ہُن سیاست دا نہیں ریاست دا مسئلہ پیدا ہوگیا اے۔