مذاکرات نال کجھ حاصل نہیں ہویا،شیخ رشید

لہور(پنجابی میڈیاگروپ)سربراہ عوامی مسلم لیگ وسابق وزیر داخلہ شیخ رشید نے آکھیا اے کہ مذاکرات توں نہ کجھ حاصل ہونا سی نہ کجھ حاصل ہویا اے،اصل مسئلہ ہی الیکشن دی تریخ طے کرنا اے،باقی سب بہانے نیں ۔ سماجی رابطے دی ویب سائٹ ٹوئٹراُتے اپنے پیغام وچ سابق وزیر داخلہ نے اکھیا کہ منگل نوں پارلیمنٹ وچ انتشار،خلفشار تے عدلیہ دے خلاف بھونچال سی، عدلیہ بارے وی بازاری زبان استعمال کیتی گئی، عدلیہ توں لڑنا (ن) لیگ دا وطیرہ رہیا اے، ایس وار اگر جمہوریت دا جنازہ کڈیا تے پی ڈی ایم ایس سازش دی ذمہ دار ہوئے گی۔اوہناں نے آکھیاکہ عدلیہ کِدوں تک صبر نال کم چلائے گی، عدلیہ دی بے حرمتی سپریم کورٹ دے دروازے تک اپڑ گئی اے، جیہڑی ججاں توں حساب منگ رہی اے اوہ الیکشن خاک کروان گے۔