مفت آٹا اسکیم وچ چوری انکشاف نہیں حقیقت اے،شاہدخاقان عباسی

لہور(پنجابی میڈیاگروپ)پاکستان مسلم لیگ (ن)دے سینئر رہنما و سابق وزیر اعظم شاہد خاقان عباسی نے آکھیا اے کہ مفت آٹا اسکیم وچ20ارب دی چوری انکشاف نہیں حقیقت اے،تحقیقات ہوئی تے دَس دیاںگا کہ کنج تے کیتھے چوری ہوئی، میں جیہڑے نمبردسے نیں ایہ گھٹ نیں،چوری اوس توںوَدھ ہوئی اے، آٹے دیاں100بوریاں وچوں50یا60ہی غریب نوں ملیاں نیں،40چوری ہویاں نیں،میں نظام دی گل کیتی اے کسی شخص یا حکومت دا نہیں آکھیا،پی ٹی آئی نال مذاکرات نکام ہی نیں کیونکہ پی ٹی آئی دی نیت خراب ہُندی اے،فیٹف تے نیب دے معاملے اُتے 2وار تحریک انصاف نال گل بات دا تجربہ کرچکیا ہاں۔ نجی ٹی وی نال گل کردیاں ہویاں اوہناں نے آکھیاکہ پرویزالٰہی دے گھراُتے چھاپے دوران جو ہویا اوہ درست نہیں سی، بکتربندگڈی لے کے کسی دے گھر حملہ آور نہیں ہوناچاہیدا، اگرچہ عمران خان ماضی وچ ایہ سب کردے رہے تے پرویزالٰہی وی اوسدا حصہ سن، ساہنوںایس برائی نوں دوہرانا نہیں چاہیدا،پرویز الٰہی نوں وی شامل تفتیش ہوناچاہیدے،چھاپے نال وفاقی حکومت دا تعلق نہیں ،ایہ پنجاب پلس اے جیتھے نگراں حکومت اے۔