سپریم کورٹ پریکٹس اینڈ پروسیجر بل اُتے حکم امتناع تاحکم ثانی برقرار

اسلام آباد(پنجابی میڈیا گروپ)سپریم کورٹ آف پاکستان نے عدالتی اصلاحات بل اُتے2مئی دی سماعت دا تحریری حکم نامہ جاری کردتا جس وچ آکھیا گیا اے کہ سپریم کورٹ پریکٹس اینڈ پروسیجر بل اُتے حکم امتناع تاحکم ثانی برقرار رہے گا۔سپریم کورٹ آف پاکستان نے عدالتی اصلاحات بل (سپریم کورٹ پریکٹس اینڈ پروسیجر)اُتے2مئی دی سماعت دا تحریری حکم نامہ جاری کردتا۔حکم نامے وچ واضح کیتا گیا اے کہ عدالتی اصلاحات بل اُتے دتا گیا حکم امتناع تاحکم ثانی برقرار رہے گا۔سپریم کورٹ آف پاکستان نے عدالتی اصلاحات بل دے خلاف درخواستاں دی سماعت دے دوران ایس بل اُتے عملدرآمد روک دتا سی ۔ عدالتی حکم نامے وچ آکھیا گیا اے کہ اٹارنی جنرل قومی اسمبلی تے سانجھے اجلاس وچ بل اُتے ہون والی بحث دا ریکارڈ پیش کرن، جنہاں قائمہ کمیٹیاں وچ بل زیر بحث آئیا اوہناں دا ریکارڈ وی پیش کیتا جائے۔واضح رہے کہ حکومت ولوں پیش کیتا گیا بل قائمہ کمیٹی قنون تے پارلیمنٹ توں منظورکیتا جاچکیا اے، جس اُتے اعتراض کیتا گیا اے کہ اوس ذریعے سپریم کورٹ تے چیف جسٹس دے اختیاراں اُتے قدغن لائی جارہی اے۔