سپریم کورٹ،14مئی نوں الیکشن دا حکم برقرار

اسلام آباد( پنجابی میڈیاگروپ)ملک وچ اک نال الیکشن کران دی درخواست اُتے سپریم کورٹ نے تحریری حکم نامہ جاری کر دتا ۔ سپریم کورٹ نے 27 اپریل دی سماعت دا حکم نامہ اک ہفتے بعد جاری کیتا،چیف جسٹس پاکستان نے 3صفحیاں اُتے مشتمل حکم نامہ تحریر کیتا، جس وچ آکھیا گیا کہ عدالت نے سیاسی جماعتاں نوںمذاکرات دی کوئی ہدایت نہیں کیتی۔سپریم کورٹ نے اپنے حکم نامے وچ ہور آکھیا اے کہ سیاسی جماعتاں ولوں مذاکرات اوہناںدی اپنی کوشش اے،14مئی نوں الیکشن کروان دا حکم اپنی جگہ برقراراے۔