پاکستان لئی عدلیہ،وزیراعظم،اسٹیبلمشنٹ کول جانا پئیاتے جاواں گا،فیصل واوڈا

کراچی(پنجابی میڈیاگروپ)سابق وفاقی وزیر فیصل واوڈا نے آکھیا اے کہ احتجاج پرامن رکھن،عمران خان نوںکجھ وی نہیں ہوئے گا، پاکستان لئی عدلیہ، وزیرِ اعظم، وزرائے اعلی، اسٹیبلمشنٹ کول جانا پئیا تے میں جاواں گا۔اک بیان وچ فیصل واوڈا نے آکھیا کہ میں پہلاں پریس کانفرنس وچ جیہڑیاںگلاں کیتیاںاوہ عمران خان نوں بچان لئی کیتیاں،پاکستان ہے تے عمران خان ہے، اوہناں دی گرفتاری اُتے لوکاں دے جذبیاں نوں اُبھاریا جارہیا اے۔اوہناں نے آکھیا کہ پاکستان دی موجودہ صورتحال دا بھارت فائدہ چُک رہیا اے،بھارت پاکستان دی بھیانک تصویر وکھا رہیا اے،عوام توں درخواست اے ملک نال دشمن جیہاسلوک نہ کرن۔فیصل واوڈا نے آکھیا کہ جنہا وی اختلاف ہوئے جَد پاکستان دی گل آئے گی اسیں سارے اک ہاں۔