عمران خان دی گرفتاری توں بعدہُن پارٹی فیصلے 7رکنی کمیٹی کریگی،اسد عمر

اسلام آباد(پنجابی میڈیاگروپ)پاکستان تحریک انصاف رہنما اسد عمر نے آکھیا اے کہ عمران خان دی گرفتاری دے بعد ہُن پارٹی دے فیصلے 7 رکنی کمیٹی کرے گی۔بدھ نوں پی ٹی آئی رہنما اسد عمر شاہ محمود قریشی تے ملیکہ بخاری دے ہمراہ پلس لائنز اسلام آباد پہنچے لیکن اوہناں نوں داخلے توں روک دتا گیا۔ایس موقع اُتے اسد عمر نے میڈیا نال گل بات دے دوران آکھیا کہ عمران خان نوں گرفتاری داخدشہ سی، ایس لئی اوہناں 7 رکنی کمیٹی بنائی۔صحافی نے اوہناں توں سوال کیتا کہ پی ٹی آئی دی قیادت ہُن کون کرے گا۔اسد عمر نے دسیا کہ عمران خان دی بنائی گئی 7 رکنی کمیٹی دی سربراہی شاہ محمود قریشی کرن گے۔اوہناں نے آکھیا کہ عمران خان اپنے خدشے ظاہر کر چکے نیں، جس اُتے تحقیقات ہونی چاہیدی اے۔